Talǵarda 20 kópbalaly otbasy baspanaly boldy

TALǴAR. QazAqparat – Búgin Talǵar aýdandaǵy 20 kópbalaly otbasyna turǵyn úı kiltteri tapsyryldy, dep habarlaıdy QazAqparat tilshisi.

Obylysta turǵyn úıge muqtaj, turmysy tómen 20 kópbalaly otbasyn baspanamen qamtamasyz etý úshin 243,9 mln teńge qarajat bólingen. Osy maqsatta kásipkerlik sýbektisine jatpaıtyn jeke tulǵalardan 20 turǵyn úı satyp alynǵan. Jańa baspanalar Talǵar aýdanynyń Talǵar qalasy men Taldybulaq, Keńdala, Rysqýlov aýyldarynda ornalasqan. Jalpy aýdany – 58,1 sharshy metrden 120,0 sharshy metrdi quraıdy. Satyp alynǵan turǵyn úılerdiń – 4-i kópqabatty turǵyn úıde ornalasqan páterler, 16-sy jer úıler.

Talǵar aýdany ákiminiń baspasóz qyzmetiniń málimetinshe, jańa qonys «Turǵyn úı qatynastary týraly» Qazaqstan Respýblıkasynyń Zańyna sáıkes kezekte turǵan turmysy tómen kópbalaly otbasylarǵa berildi.