Talǵarda 18 jastaǵy jigitti kóligimen qaǵyp óltirgen júrgizýshi qashyp ketti
TALDYQORǴAN. QazAqparat - Almaty oblysynda 18 jastaǵy jigitti kólik qaǵyp, ol oqıǵa ornynda mert boldy. Al kólik júrgizýshi oqıǵa ornynan qashyp ketti, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, oqıǵa 25 qazan kúni keshki saǵat 20:30 shamasynda Talǵar qalasynda bolǵan.
«Belgisiz kólik júrgizýshi qalanyń Mendeleev kóshesimen kele jatyp, 18 jastaǵy jaıaý júrginshini qaǵyp ketti. Jábirlenýshi alǵan jaraqaty saldarynan oqıǵa ornynda mert boldy. Іs qylmystyq kodekstiń eki baby ıaǵnı, QR KQ 345 baby 3-bóligi jáne QR QK 347 baby boıynsha qozǵaldy. Talǵar aýdanynyń polıtseıleri tergep jatyr»,- delingen vedomstvonyń habarlamasynda.
ıAǵnı, adamdy abaısyzda kólikpen qaǵyp óltirgeni úshin jáne oqıǵa ornynan qashyp ketkeni úshin kólik júrgizýshi qylmystyq kodekstiń eki baby boıynsha sottalady.
«Qazir qashyp ketken kólik júrgizýshiniń kóligin, ózin izdeý jumystary júrgizilip jatyr»,- dep tolyqtyrdy atalǵan vedomstvonyń baspasóz qyzmetinen.
Aıta keteıik, balany kólik qaqqan sát beınebaqylaý kamerasyna jazylǵan. Vıdeo áleýmettik jelide jarııalandy.
