Talǵar ózeninde balyqtardyń qyrylý sebebi tekserilýde
ALMATY OBLYSY. QazAqparat – Talǵar ózeninde balyqtar qyrylý oqıǵasyna QR Ekologııa, geologııa jáne tabıǵı resýrstar mınıstrligi túsinikteme berdi, dep habarlaıdy QazAqparat tilshisi.
Almaty oblysy Eńbekshiqazaq aýdany terrıtorııasynda aǵyp jatqan Talǵar ózeninde balyqtardyń qyrlý oqıǵasy tirkelgen. Qyrylǵan balyqtardyń vıdeosyn ekologııalyq belsendi Olga Gýmırova Facebook paraqshasynda jarııalady.
QR Ekologııa, geologııa jáne tabıǵı resýrstar mınıstrliginiń Orman jáne malsharýashylyǵy komıtetiniń baspasóz hatshysy Sáken Dildahmettiń aıtýynsha, 27 mamyrda Almaty oblysy Qapshaǵaı qalasy terrıtorıaldyq ınspektsııasynyń memlekettik ınspektorlary oqıǵa ornyna baryp, tekserý júrgizgen.
«Talǵar ózeniniń sýyn tekserý kezinde Bazarkeldi aýyly tusynda balyq qyrylǵanyn anyqtadyq. «Kazgıdromet» RMK zerthanalyq saraptama jasaý úshin synama aldy. Departament pen oblystyq terrıtorıaldyq janýarlar álemi jáne orman sharýashylyǵy ınspektsııasynyń qyzmetkerleri monıtorıng jumystaryn júrgizip jatyr», - dedi ol.
