Talǵar men Qaskeleń joldary keńeıtiledi
ALMATY. QazAqparat - Talǵar men Qaskeleń joldary keńeıtiledi. Bul týraly Almaty ákimi Baqytjan Saǵyntaev halyq aldynda esep berý kezdesýinde málim etti, dep habarlaıdy QazAqparat tilshisi.
Onlaın formatta ótip jatqan kezdesý barysynda ákim turǵyndardyń qorshaǵan ortaǵa qatysty suraǵyna jaýap berdi.
Onyń aıtýynsha, qaladaǵy aýanyń lastanýyna kólikterdiń kóptigi sebep. Búgingi kúni Almatyda 500 myńnan astam kólik tirkelgen. Odan bólek, qalaǵa kúnine 250 myńnan astam kólik kiredi.
«Munyń bári qorshaǵan ortaǵa áser etedi. Qaladaǵy kólik keptelisteri de turǵyndarǵa jaısyzdyq ákeledi. Osy máseleni sheshý úshin jol aıyryqtar salynyp jatyr. Qaskeleń, Qapshaǵaı, Talǵar baǵyttarynda keptelister bolmaýy úshin biz Indýstrııa jáne ınfraqurylymdyq damý mınıstrligimen joldardy keńeıtý máselesin zertteı bastadyq. ıAǵnı, Talǵar tas jolyn keńeıtý jáne tórt jolaqty etip jasaý máselesin talqylap jatyrmyz. Qaskeleń joly da keńeıtiledi», - deıdi ákim.
