Talǵar qalasynyń 30% halqy taǵy da sýsyz qaldy
TALDYQORǴAN.QazAqparat - Almaty oblysynyń Talǵar qalasynda sý qubyrlary qatyp jatyr. Turǵyndardyń 30% sýsyz otyr, dep habarlaıdy QazAqparat tilshisi.
Qazir 50 adamnan qurylǵan arnaıy brıgada jumys istep jatyr.
«Jeke turǵyn úılerdiń, kópqabatty úılerdiń qubyrlary qatyp, qalanyń 30% halqy sýsyz otyr. Arnaıy brıgada quryldy. Jumys bir-eki kúnge jalǵasady dep oılaımyn. Sebebi, qatqan qubyrlardyń bárin jibitý kerek. Sýsyz qalǵan halyq habarlasyp jatyr. Olarǵa arnaıy brıgada shuǵyl túrde shyǵyp, qyzmet kórsetýde. Turǵyndar 100 paıyz aýyz sýmen qamtylǵansha biz jumys isteı beremiz», - dedi Talǵar aýdandyq TÚKSh bóliminiń basshasy Salavat Kazıev.
Aıta ketý kerek, Talǵar qalasynda 50 myńnan asa halyq turady.
Esterińizge sala keteıik, 27-shi qańtar kúni qatty aıazdyń saldarynan sý bastaýlarynda muz qatyp, Talǵar halqynyń 30 paıyzy sýsyz qalǵanyn málim etken bolatynbyz. Artynsha oblys ákimdigi sý tapshylyǵy oń sheshimin tapqanyn habarlaǵan edi.
