Talǵar qalasynyń ákimi laýazymyna úmitkerler belgili boldy

QONAEV. KAZINFORM – Aýmaqtyq saılaý komıssııasy Talǵar ákimi bolýǵa tirkelgen kandıdattar tizimin jarııalady.

Tizimde úsh adam bar. 

«Talǵar turǵyn úı» JShS-niń basshysy,1983 jyly týǵan Arystanbek Abıhaıruly «Amanat» partııasy atynan usynylyp otyr.

Ekinshi kandıdat – Jánibek Kadenov. 1991 jyly týǵan. Ol «Talǵar aýdany ákiminiń apparaty» MM-niń qarjy-sharýashylyq bóliminde bas maman bolyp jumys isteıdi. Ony Qazaqstan halyqtyq partııasy usynǵan.

Sońǵy úmitker – Álibek Ramazanov. Ol ózin-ózi usynǵan. Ol Besaǵash aýyldyq okrýginiń apparat memlekettik mekemesinde ákimniń orynbasary bolyp qyzmet etedi.

Buǵan deıin Talǵar aýdanynyń aýmaqtyq saılaý komıssııasy qala ákiminiń saılaý kúnin 15 jeltoqsanǵa belgilegeni týraly jazǵan edik.

Osyǵan deıin Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatylǵan bolatyn.

15 qarasha kúni Talǵar aýdany ákimi apparatynyń basshysy laýazymyna Nurjan Abdalımov taǵaıyndaldy.