Talǵar qalasyna jańa ákim saılandy

ALMATY. KAZINFORM – Saılaý qorytyndysy boıynsha Talǵar qalasynyń ákimi bolyp Nurhan Ádilhan Leshanuly saılandy. Bul týraly Talǵar aýdanynyń ákimdigi habarlady.

Ádilhan Nurhan 1981 jyly 23 jeltoqsanda Jambyl oblysy, Taraz qalasynda dúnıege kelgen. Bilimi joǵary. M.H. Dýlatı atyndaǵy Taraz ýnıversıtetin «quqyqtaný», sondaı-aq «qarjy jáne ekonomıka» mamandyqtary boıynsha támamdaǵan.

Ár jyldary Jambyl oblysy boıynsha ekonomıkalyq jáne sybaılas jemqorlyqqa qarsy kúres organdarynda, Talǵar aýdandyq Ádilet basqarmasynda, Almaty oblysy Ádilet departamentinde basshylyq qyzmetter atqarǵan. Sonymen qatar memlekettik jáne jeke sektorda jaýapty laýazymdarda eńbek etken.

Eske salaıyq, 2024 jyly Sherzat Polattyń ólimine baılanysty bolǵan rezonanstan keıin Talǵar qalasynyń ákimi qyzmetinen ketip, onyń ornyna Arystanbek Ábilqaıyruly saılandy.

1 jyl 2 aıdan keıin ol qyzmetinen ketti. Arystanbek Ábilqaıyruly densaýlyǵyma baılanysty laýazymynan ketý týraly sheshim qabyldaǵanyn aıtty.