Talǵar aýdanynyń Polıtsııa basqarmasyna jańa basshy keldi
QONAEV. KAZINFORM - QR Іshki ister mınıstriniń buıryǵymen Talǵar aýdandyq polıtsııa basqarmasynyń bastyǵy laýazymyna polıtsııa polkovnıgi Ashat Bekenov taǵaıyndaldy.
Polkovnık Ashat Bekenov 1980 jyly Pavlodar oblysynyń Ertis aýdanynda dúnıege kelgen. 2001 jyly Qaraǵandy zań ınstıtýtyn támámdaǵan. Іshki ister organdarynda 1997 jyldyń tamyzynan bastap qyzmet etedi. Mansabyn Pavlodar oblysy Qashyr AІІB jedel ýákili qyzmetinen bastaǵan.
Laýazymǵa taǵaıyndalǵanǵa deıin Almaty qalasy PD krımınaldyq polıtsııa basqarmasy bastyǵynyń orynbasary bolyp jumys istedi.
Buǵan deıin Talǵar aýdany polıtsııa basqarmasynyń bastyǵy laýazymynyń mindetin atqarýshy qyzmetin Aıdar Omarov atqardy.
Sonymen qatar Almaty oblysy Polıtsııa departamentinde kadrlyq aýys-túıis bolǵany týraly jazǵan edik. Polıtsııa qyzmeti basqarmasynyń bastyǵy laýazymyna Abdýnýr Tasybaev jáne Uıymdasqan qylmysqa qarsy kúres basqarmasynyń bastyǵyna Baıjan Satylǵanov taǵaıyndalǵan bolatyn.
Sondaı-aq Almaty oblysynda polıtsııa bastyǵynyń 2 orynbasary taǵaıyndalǵanyn jazǵanbyz.
Al qazan aıynda Meıram Ábikeev Almaty oblysy Polıtsııa departamentiniń bastyǵy boldy.
Eske salaıyq, 4 qazanda Talǵar qalasyndaǵy tóbelesten bir adam qaıtys bolǵanyn jazǵanbyz.