Talǵar aýdanynyń eks-basshysy Kegen aýdanyna ákim boldy
QONAEV. KAZINFORM – Almaty oblysy ákiminiń ókimimen Tańat Aıdarbekov Kegen aýdanynyń ákimi laýazymyna taǵaıyndaldy.
Tańat Esenkeldiuly Aıdarbekov 1971 jyly týǵan. Bilimi joǵary, 1996 jyly Qazaq memlekettik agrarlyq ýnıversıtetin «Býhgalterlik esep, baqylaý jáne ákimshilik-sharýashylyq qyzmeti» mamandyǵy boıynsha jáne 2017 jyl Qazaqstan ınjenerli-pedagogıkalyq halyqtar dostyǵy ýnıversıtetin «Quqyqtaný» mamandyǵy boıynsha támamdaǵan.
Eńbek jolyn Baqanas et kombınatynda bastap, ár jyldary «Qýanysh» AQ-nyń esepshisi, Áýezov aýdany ákimi apparatynyń Ekonomıka, kásipkerlikti damytý jáne qoldaý bólimderiniń bas mamany, Áýezov aýdany ákimi apparatynyń bas mamany jáne osy bólimniń basshysy, Túrkisib aýdany ákimi apparatynyń naryq qatynasyn damytý, kásipkerlikti damytý jáne qoldaý bólimderiniń bastyǵy, Almaty qalasy Túrksib, Bostandyq aýdandary ákiminiń orynbasary, Almaty oblysy Kerbulaq aýdany ákiminiń orynbasary, Almaty qalasy jáne Almaty oblysy boıynsha Qazynashylyq departamentiniń basshysy laýazymdaryn atqarǵan.
2023 jyldan osy ýaqytqa deıin Talǵar aýdanyn basqardy.
Eske salaıyq, buǵan deıin Almaty oblysynyń Eńbekshiqazaq aýdanyna jańa ákim taǵaıyndaldy.
Sondaı-aq Almaty oblysynyń Uıǵyr aýdanyna jańa ákim keldi.
