Talǵar aýdanynda oblystaǵy alǵashqy qos maqsatty tirek iske qosyldy
ASTANA. KAZINFORM – 2025 jylǵy 3 naýryzda Almaty oblysynyń Talǵar aýdanyna qarasty Besaǵash aýylynda óńirdegi alǵashqy qos maqsatty tirek iske qosyldy. Bul zamanaýı ınjenerlik sheshim bazalyq stantsııa men kóshe jaryǵy fýnktsııalaryn biriktiredi.
Bolashaqta mundaı qurylymdar beınebaqylaý júıesimen de jabdyqtalýy múmkin. Jobany Huawei kompanııasy Almaty oblysynyń Tsıfrlyq tehnologııalar basqarmasy men «KaR-Tel» JShS (Beeline saýda belgisi) arasyndaǵy yntymaqtastyq týraly memorandým aıasynda júzege asyrdy.
Dástúrli antennalardan aıyrmashylyǵy — kólemdi ári keńistikti kózben qabyldaýda aýyrlatatyn túrinen erekshelenip, bul tirek yqsham ári fýnktsıonaldy dızaında jasalǵan. Ol eldi mekenniń kelbetimen úılesimdi úılesip, birneshe mindetti qatar atqarady. Bul tireýish baılanys operatorlarynyń jabdyqtaryn ornalastyrýǵa múmkindik beredi jáne jaryqtandyrý shamdarymen jabdyqtalǵan. Osylaısha, ol qala men aýyl ınfraqurylymy úshin ámbebap sheshim bolyp tabylady.
Qos maqsatty tirektiń basty artyqshylyqtarynyń biri — ornatý merziminiń aıtarlyqtaı qysqa bolýy. Eger standartty baılanys munarasyn salý alty aıdan astam ýaqytty alsa, mundaı qurylymdardy ornatý nebári bir aıda júzege asyrylady. Bul ásirese mobıldi baılanys sapasyn jaqsartý jáne beınebaqylaý júıesin qamtamasyz etý qajet óńirler úshin óte ózekti.
«KaR-Tel» JShS-niń tehnıkalyq dırektory Oleg Snımşıkovtyń aıtýynsha, kompanııa bul jobany bolashaqta keńeıtý múmkindigi retinde qarastyrady.
— Biz mundaı tirekterdi búkil Almaty oblysy boıynsha engizýdi josparlap otyrmyz. Olar ásirese aýyldyq jerlerde baılanys sapasyn jaqsartýǵa kómektesedi jáne óńirdiń tsıfrlyq ınfraqurylymynyń mańyzdy elementine aınalady, — dedi ol.
Jańa tirek tek baılanysqa arnalmaǵan. Ol sondaı-aq qoǵamdyq keńistikterdi jaryqtandyrý máselesin sheshedi, bul túngi ýaqytta qaýipsizdik deńgeıin arttyrady. Keleshekte mundaı qurylymdar beınekameralarmen qosymsha jabdyqtalýy múmkin. Bul jergilikti bılikke kóshedegi jaǵdaıdy baqylaýǵa jáne qoǵamdyq qaýipsizdik deńgeıin arttyrýǵa múmkindik beredi. Osylaısha, tirek aqyldy jáne qaýipsiz qoǵamdyq keńistiktiń bir bóligine aınalady.
Mundaı sheshimderdi ornatý, ásirese, jeke ınfraqurylym tartýǵa múmkindigi joq aýyldyq aýdandar úshin mańyzdy. Keshendi tásil resýrstardy únemdeýge jáne zamanaýı tehnologııalardy shynymen qajet jerlerde engizýge kómektesedi.
— Biz árqashan tehnologııalardy adamdarǵa jaqyndatý joldaryn izdeımiz. Kóshelerdi jaryqtandyratyn, sıgnaldy kúsheıtetin jáne qaýipsizdikti qadaǵalaıtyn tirek — bul fýtýrızm emes, yńǵaıly jáne zamanaýı ómir saltyna qadam. Biz úshin bul qadam Besaǵash sııaqty jerlerde bastalatyny mańyzdy, — dep atap ótti Huawei Technologies Kazakhstan kompanııasy.
Qazirgi ýaqytta osyndaı tireýish Almaty qalasynda da ornatylýda — iske qosý mamyr aıyna josparlanǵan. Bul bastamany tek aýyldyq aımaqtarda ǵana emes, megapolıs deńgeıindegi qalalyq ınfraqurylym aıasynda da keńinen qoldanýǵa bolatynyn dáleldeıdi.
Sonymen qatar, pılottyq jobany iske qosý memleket pen bıznes arasyndaǵy yntymaqtastyqtyń jańa formattaryna negiz qalaıdy. Mundaı bastamalar tek tehnologııalyq progreske ǵana emes, sonymen qatar jumys oryndaryn qurýǵa, halyqtyń tsıfrlyq saýattylyǵyn arttyrýǵa jáne jergilikti qaýymdastyqtardy damytýǵa yqpal etedi.
Besaǵash aýylyndaǵy joba — telekommýnıkatsııalyq múmkindikterdi damytýǵa jáne halyqtyń ómir súrý deńgeıin arttyrýǵa baǵyttalǵan bıznes pen memlekettik qurylymdardyń birlesken kúsh-jigeriniń nátıjesi. Bul zamanaýı tehnologııalyq sheshimderdiń qorshaǵan ortanyń estetıkasyn eskere otyryp, tez ári sapaly túrde qalaı júzege asyrylatynynyń aıqyn mysaly.