Talǵarda 33 kásipker elektr energııasyn joǵary tarıfpen tólep kelgen
ASTANA. KAZINFORM — Talǵar aýdany prokýratýrasymen áleýmettik mańyzy bar azyq-túlik taýarlaryn óndirýshilerge túsetin tarıftik júktemeni tómendetý boıynsha sharalar qabyldandy. Bul týraly Almaty oblysynyń prokýratýrasy málim etti.
Prokýratýra júrgizgen taldaý nátıjesinde áleýmettik mańyzy bar azyq-túlik ónimderin óndiretin 33 kásipkerdiń tarıftik jeńildikter túrindegi memlekettik qoldaýdy almaǵany anyqtalǵan.
Tarıftik dıfferentsıatsııa tutyný sharttaryna, onyń ishinde tutynýshylar toptaryna qaraı ártúrli tarıf deńgeılerin belgileýdi kózdeıdi.
Tabıǵı monopolııalardy retteý komıteti departamentiniń qorytyndysyna sáıkes áleýmettik mańyzy bar azyq-túlik taýarlaryn óndirýshiler úshin elektr energııasyna 1 kVt/saǵ úshin 31,85 teńge mólsherinde jeńildetilgen tarıf kózdelgen.
— Alaıda Talǵar aýdany aýmaǵynda 33 kásipkerlik sýbektisi, onyń ishinde «Amıran» jáne «FreshFruit Kazakhstan» sııaqty iri ınvestorlar, elektr energııasy úshin jeńildetilgen tarıftiń ornyna ortasha 37,75 teńge tarıfimen tólem jasaǵan, bul belgilengen áleýmettik tarıften edáýir joǵary ekenin atap ótken jón, — delingen habarlamada.
Jeńildetilgen tarıftiń qoldanylmaýy azyq-túlik ónimderiniń ózindik qunynyń ósýine ákeledi, halyq úshin baǵanyń ósý qaýpin týǵyzady jáne óndirýshilerdiń qarjylyq turaqtylyǵyn tómendetedi.
Prokýratýramen qabyldanǵan sharalardyń nátıjesinde nebári 1 aı ishinde óndirýshilerdiń elektr energııasyna jumsalatyn shyǵyndary 2,8 mln teńgege qysqardy, al jyldyq únem 33,6 mln teńgeni quraıtyn bolady.
Bul sharalar áleýmettik mańyzy bar azyq-túlik taýarlary baǵasynyń turaqtylyǵyn saqtaýǵa múmkindik beredi.
Aıta keteıik, buǵan deıin bir top qyz alaıaqtyq júıe uıymdastyryp, tanysý saıttary arqyly jábirlenýshilermen tanysyp, qarym-qatynasty jalǵastyrý úshin jalǵa alynǵan páterde kezdesýdi usynǵanǵanyn jazǵan bolatynbyz.
