Talǵar aýdanyna jańa prokýror taǵaıyndaldy
QONAEV. KAZINFORM - Almaty oblysy Talǵar aýdanynda prokýror qyzmetine Erlan Taǵaev taǵaıyndaldy. Aýdannyń jańa prokýroryn Almaty oblysy prokýrorynyń birinshi orynbasary Qataev Damır Qataev tanystyrdy.
Erlan Alıjanuly Taǵaev prokýrorlyq qyzmetin Almaty oblysynyń prokýratýrasynda bastap, keıin Qaraǵandy jene Shyǵys Qazaqstan oblystarynda jalǵastyrǵan.
Talǵar aýdany prokýrory bolyp taǵaıyndalǵanǵa deıin Kýrchatov qalasy túzeý mekemelerinde zańdylyqtyn saqtalýyn qadaǵalaý jónindegi arnaıy prokýrory, Kúrshim aýdany, Aıagóz, Abaı jáne Jańasemeı aýdandarynyń prokýrory qyzmetin atqarǵan.
Eske salaıyq, buǵan deıin 4 qazanda Talǵar qalasyndaǵy tóbelesten 16 jasar jasóspirim qaıtys bolǵanyn jazǵanbyz.
Ashýly talǵarlyqtar jasóspirim ólimine baılanysty narazylyqqa shyqty.
Almaty oblysynyń Prokýratýrasy kisi óltirý týraly bul is erekshe baqylaýǵa alynǵanyn resmı túrde habarlady.
Іshki ister mınıstri Erjan Sádenov Almaty oblysy Talǵar aýdanyndaǵy jasóspirimniń ólimine qatysty isti jeke baqylaýyna aldy.
12 qazan túnde qara jamylǵan otbasynyń úıi órtenip ketti. Almaty oblysynyń Polıtsııa departamenti bótenniń múlkin qasaqana joıý faktisi boıynsha is qozǵady.
15 qazan kúni Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.
18 qazan kúni Almaty oblysy prokýrorynyń orynbasary men Talǵar aýdanynyń prokýrory qyzmetinen ketti.
Keshe Almaty oblysynyń uıymdasqan qylmysqa qarsy kúres basqarmasyna jańa basshy keldi.
