Talǵar aýdany ákimi apparatynyń basshysy taǵaıyndaldy
QONAEV.KAZINFORM – Talǵar aýdany ákimi apparatynyń basshysy laýazymyna Nurjan Abdalımov taǵaıyndaldy.
Nurjan Abdalımov 1988 jyly 10 maýsymda dúnıege kelgen. Bilimi – joǵary. Qazaq qatynas joldary ýnıversıtetin keden isi mamandyǵy boıynsha bitirgen. Sonymen qatar «Qaınar» akademııasynda quqyqtaný magıstri dárejesin alǵan.
Eńbek jolyn 2011 jyly Almaty qalasynyń aqparattyq júıeler ortalyǵynda aǵa operator bolyp bastaǵan. 2011-2015 jyldary Almaty qalasy Alataý aýdany ákiminiń apparatynda kásipkerlik pen ónerkásipti damytý jónindegi bóliminiń mamany, 2015 jyly memlekettik-quqyqtyq bóliminiń basshysy, 2015-2018 jyldary kásipkerlik pen ónerkásipti damytý bóliminiń basshysy, 2018-2019 jyldary memlekettik-quqyqtyq bóliminiń bas mamany boldy. 2019-2021 jyldary «AlmatyElektroTrans» JShS-de bólim basshysy bolyp jumys istedi.
2023 jyldyń sáýirinen bastap búginge deıin Talǵar aýdany ákiminiń apparaty memlekettik-quqyqtyq bóliminiń basshysy qyzmetin atqarǵan.
Eske salaıyq, 15 qazan kúni Talǵar aýdany ákimi apparatynyń basshysy Aslan Qasymbaev qyzmetinen ketti.
Sondaı-aq Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy.
15 qarasha kúni Talǵar qalasyna jańa ákim saılaýy ótedi.
