Talǵar qalasynyń ákimi men orynbasary qyzmetinen bosatyldy
QONAEV. KAZINFORM - Talǵar qalasynyń ákimi men onyń orynbasary jumysynan ketti. Bul týraly qujat Talǵar ákimdiginiń resmı saıtynda jarııalandy.
Jarııalanǵan qujatta laýazymdy tulǵalardyń óz mindetterin tıisti deńgeıde atqarmaýy jumystan bosatýǵa sebep bolǵany aıtylǵan.
- Talǵar qalasynyń ákimi Bahyt Qýatbekuly Kúrishbekov, Talǵar qalasy ákiminiń orynbasary Matan Saǵyndyq óz mindetterin tıisti deńgeıde atqarmaǵany úshin laýazymdarynan bosatyldy. Basqa laýazymdaǵy qyzmetkerlerdiń jaýapkershilik deńgeıi pysyqtalyp jatyr, - delingen qujatta.
Eske salaıyq, 4 qazan kúni Talǵar qalasyndaǵy tóbelesten jasóspirim qaıtys bolǵanyn jazǵanbyz.
Keıin janjaldan qaıtys bolǵan 16 jasar Sherzattyń úıi órtenip, polıtsııa onyń otbasyn qorǵaýǵa aldy.
Bas prokýratýra bul jaǵdaıǵa baılanysty málimdeme jasady.
Sondaı-aq Almaty oblysynyń ákimdigi Talǵarda úıi órtengen otbasyǵa kómektesetinin habarlady.