Taleb Rafaı Qazaqstan Úkimetiniń otyrysyna qatysady

ASTANA. QazAqparat -  BUU Búkilálemdik týrıstik uıymnyń bas hatshysy Taleb Rafaı Qazaqstan Úkimetiniń otyrysyna qatysady. Bul jaıynda QR Mádenıet jáne sport mınıstri Arystanbek Muhamedıuly málim etti, dep habarlaıdy QazAqparat.

«Úkimettiń erteńgi otyrysynda Qazaqstandaǵy týrıstik qyzetti damytý tujyrymdamasyn talqylaıtyn bolamyz. Taleb Rıfaı Úkimettegi bizdiń otyrysymyzǵa qatysý úshin kestesine ógeris engizdi. Árıne, bizder úshin Úkimettiń otyrysyna Búkilálemdik týrıstik uıym basshysynyń qatysýy zor mártebe», - dedi Arystanbek Muhamedıuly «EKSPO-2017» medıa ortalyǵynda ótken baspasóz máslıhaty barysynda.

Aıta keteıik, Qazaqstan Úkimetiniń salalyq máseleleri kóteriletin otyrysyna ádette Qazaqstanda tirkelgen halyqaralyq uıymdardyń ókilderi qatysady. Al BUU agenttikteri basshylarynyń qatysýy sırek kezdesetin oqıǵa desek te bolady.

Taleb Rıfaı EKSPO-2017 alańynda ótip jatqan týrızm jáne bolashaq energııasyna arnalǵan halyqaralyq konferentsııaǵa qatysýda. Alqaly jıynǵa halyqaralyq jáne otandyq úkimettik emes uıymdardyń, 150 eldiń salalyq mınıstrlikteriniń, týrıstik agenttikterdiń  700-den astam ókilderi qatysýda.