Taldyqorǵannyń tártip saqshylary 9 keli esirtki partııasyn tárkiledi
«Arnaıy is-shara barysynda buǵan deıin qylmystyq jaýapkershilikke tartylǵan 45 jastaǵy qala turǵyny qolǵa tústi. Onyń mekenjaıyna sanktsııalanǵan tintý júrgizý kezinde úsh jarym gramm marıhýana tárkilendi. Odan ári onyń garajyn tekserý barysynda ishine 9 kılogramǵa jýyq gashısh salynǵan polıetılen paketi tabyldy. Kúdiktiniń mekenjaıynan tabylǵan esirtki zattarynyń barlyǵy tárkilenip, is materıaldaryna aıǵaqzat retinde tirkeldi. Tergeý barysynda tıisti saraptamalar taǵaıyndaldy»,- dedi oblystyq Esirtki bıznesine qarsy kúres basqarmasynyń bastyǵy polıtsııa polkovnıgi Qazbek Mýhamedov.
Qazirgi ýaqytta QR Qylmystyq kodeksiniń 296-babynyń 2,4- tarmaǵyna sáıkes asa iri kólemde esirtki zattaryn saqtaý deregi boıynsha sotqa deıingi tergeý amaldary júrgizilip jatyr. Kúdikti azamat ýaqytsha ustaý ızolıatoryna qamaqqa alyndy.