Taldyqorǵannyń ortalyq jylý qazandyǵyna 88 myń tonna otyn satyp alyndy

ASTANA. QazAqparat - Taldyqorǵan qalasynyń ortalyq qazandyǵy «Basqýat» jylý maýsymyna saqadaı saı. Bul týraly Almaty oblysy ákiminiń birinshi orynbasary Lazzat Turlashov bastaǵan arnaıy jumys tobynyń reıdi barysynda belgili boldy.

Qazandyqqa tarıf esebinen 88 myń tonna otyn satyp alynǵan. Bıýdjet qarjysynan 77 myń tonna kómir daıyndalyp, keste boıynsha tasymaldanýda.

Jalpy Taldyqorǵanda 113 shaqyrym jylý júıeleri bar. Bıyl bıýdjet esebinen 8,6 shaqyrym jylý júıelerine qaıta jańǵyrtý jumystary júrgizildi. Onyń syrtynda ınvestıtsııalyq baǵdarlama esebinen «Basqýat» mekemesiniń ózinde 5 shaqyrymǵa jóndeý jumystary jasaldy. Taldyqorǵan qalasynyń Aqylbekov kóshesindegi № 4 qazandyq pen jylý júıelerine de qaıta jańǵyrtý jumystary jasaldy.

Almaty oblystyq Energetıka jáne turǵyn úı-kommýnaldyq sharýashylyq basqarmasynyń basshysy Baǵlan Tánekenovtiń aıtýynsha,  jylý júıeleriniń sońǵy jumystary qazannyń alǵashqy onkúndiginde tolyq aıaqtalady. Oblys boıynsha qysqa qajet kómir kólemi 397 500 tonna. Jalpy jylytý maýsymyna 6,9 mlrd aqsha bólinip, kómir, janar-jaǵar maı, mazýt satyp alynǵan.