Taldyqorǵannyń keshki mektebinde 47 jastaǵy oqýshy oqıdy

TALDYQORǴAN. QazAqparat - Taldyqorǵannyń keshki mektebinde oqyp jatqan oqýshylardyń ishindegi eń jasy úlkeni 47-de, dep habarlaıdy QazAqparat tilshisi.

«Taldyqorǵannyń keshki aýysymdaǵy mektebinde jalpy 87 oqýshy oqıdy. Onyń 53-i - kámeletke tolmaǵan balalar bolsa, 34-i - eresek adam. Al eń úlkeni 47 jasta. Ol qazir 11-synypta oqyp jatyr. Bul adamdar - ýaqytynda mektep bitirmegender», - dedi QazAqparat tilshisine Taldyqorǵandaǵy keshki aýysymdaǵy mektep dırektory Erik Sarjigitov.

Jalpy elimiz boıynsha keshki aýysymdaǵy 69 mektep bar.

Esterińizge sala keteıik, Taldyqorǵandaǵy keshki mekteptiń 9-synyp oqýshylary jabylyp 15 jasar qyz balany urǵany úshin sot sheshimimen devıanttyq mektepke aýystyrylǵanyn habarlaǵan bolatynbyz.