Taldyqorǵannyń keshki mektebinde 47 jastaǵy oqýshy bilim alady

TALDYQORǴAN. QazAqparat – Taldyqorǵannyń keshki mektebinde bilim alyp jatqan oqýshylardyń arasynda jasy eń úlkeni – 47-de, dep habarlaıdy QazAqparat tilshisi.

«Taldyqorǵannyń keshki aýysymdaǵy mektebinde jalpy 87 oqýshy oqıdy. Onyń 53-i kámeletke tolmaǵan. Al 34-i – eresekter, jasy eń úlkeni – 47-de. Ol qazir 11-synypta oqyp jatyr. Bul adamdar ýaqytynda mektep bitirmegender», - dedi QazAqparat tilshisine Taldyqorǵandaǵy keshki aýysymdaǵy mektep dırektory Erik Sarjigitov.

Jalpy elimiz boıynsha 69 keshki aýysymdaǵy mektep bar.

Eske salaıyq, Taldyqorǵanda keshki aýysymdaǵy mekteptiń 9-synyp oqýshysy qurbylarymen jabylyp, 15 jastaǵy qyzdy uryp-soqqan bolatyn. Oqýshy sot sheshimimen devıanttyq minez-qulqy bar balalar mektebine aýystyryldy.