Taldyqorǵannyń bilim salasyna 24 mlrd teńgeden astam qarjy jumsalmaq

TALDYQORǴAN.QazAqparat - Aldaǵy úsh jylda Taldyqorǵannyń bilim salasyna 24 mlrd teńgeden astam qarjy jumsalmaq. Bul týraly Taldyqorǵan qalasynyń ákimi Baǵdat Qarasaev qalalyq máslıhattyń kezekti HІІ sessııasynda aıtty, dep habarlaıdy QazAqparat tilshisi.

 Jıynda Taldyqorǵan qalasynyń 2017-2019 jyldarǵa arnalǵan bıýdjet jobasy bekitildi.  Jospar boıynsha 2017 jyly Taldyqorǵan qalasynda 2400 oryndyq 2 jańa mektep salynady. Taǵy 2 mektep kúrdeli jóndeýden ótetin bolady.

 

Negizgi baıandamany qalalyq ekonomıka jáne bıýdjettik josparlaý bóliminiń jetekshisi Qaırat Májenov jasap, úsh jyldyq bıýdjettiń jaı-japsaryn baıandady. Bıýdjet jobasyna qala ákimi aıaldamalardy kútip ustaý, saıajaı massıvterine aýyz sý tartý, qalany abattandyrý jumystaryn jandandyrý jáne kóshelerdi jóndeý, gaz tartý jumystaryn shapshańdatý týraly usynystary engizildi. Sondaı-aq, jıynda Taldyqorǵan qalalyq máslıhatynyń hatshysy Qaırat Buldybaev máslıhattyń 1 jylda atqarǵan jumystary týraly esep berdi.