Taldyqorǵannyń bilim bólimi qyzmetkerleriniń sómke-sómke aqshamen ustalǵan vıdeosy jarııalandy
«Taldyqorǵan bilim bóliminiń qyzmetkerleri mıllıardtaǵan qarjy urlady degen kúdikke ilindi. Sybaılas jemqorlyqpen kúres qyzmeti Jetisý oblysy prokýratýrasynyń úılestirýimen Taldyqorǵan qalasynyń bilim bóliminiń qyzmetkerlerin ustady. Olarǵa bilim berý salasynda is júzinde jumys istemeıtin úlestes tulǵalardyń paıdasyna óteýsiz qarjy aýdarý arqyly asa iri mólsherde bıýdjet qarajatyn urlaýmen aınalysqan degen kúdik keltirilip otyr. Aldyn ala keltirilgen zalal somasy shamamen 2 mlrd teńgeni qurady»,- delingen Sybaılas jemqorlyqqa qarsy is-qımyl agenttiginiń Jetisý oblysy boıynsha departamentiniń habarlamasynda.
Qazirgi tańda istiń mán-jaıyna tıesili 29 jyljymaıtyn múlik nysanyna, qymbat avtokólikterge tyıym salyndy. Kúdikti adamdar ustalyp, sottyń sanktsııasymen qamaýǵa alyndy.
Sotqa deıingi tergeý jalǵasýda.
QPK-niń 201-babyna sáıkes tergeý múddesi úshin ózge aqparat jarııa etýge jatpaıdy.
Esterińizge sala keteıik, buǵan deıin prokýratýrasynyń Taldyqorǵandyq esepshilerdiń ustalǵanyn rastaǵan jóninde aqparat bergen bolatynbyz.
