Taldyqorǵannyń ákimi Áset Masabaev aýyryp, jansaqtaý bólimine tústi

TALDYQORǴAN. QazAqparat - Taldyqorǵan qalasynyń ákimi Áset Masabaev aýrýhanadaǵy jansaqtaý bóliminen jalpy palataǵa aýystyryldy, dep habarlaıdy QazAqparat tilshisi.

Shahar basshysy joǵary qan qysymymen aýrýhanaǵa túsken.

«Birneshe kún buryn aýrýhanaǵa tústi. Jumys ýaqytynda qan qysymy kóterilip, jedel járdem kóligi kelip, jumystan alyp ketti. Jansaqtaý bóliminen jalpy palataǵa aýystyryldy. Qazir jaǵdaıy birqalypty»,- deıdi Taldyqorǵan qalasy ákiminiń baspasóz qyzmetiniń hatshysy Madı Shakenov.

26 sáýir kúni 38 jasqa tolǵan shahar basshysy Áset Masabaev qala turǵyndaryn jeke máseleleri boıynsha qabyldap, sheshýge barynsha atsalysyp júredi.

Esterińizge sala keteıik, Áset Masabaev 2022 jyldyń 4 naýryzynda Taldyqorǵan qalasynyń ákimi bolyp taǵaıyndalǵan edi.