Taldyqorǵanǵa Birikken Arab Ámirlikterinen ushyp kelgen 135 jolaýshydan koronavırýs tabylmady
TALDYQORǴAN. QazAqparat - Almaty oblysyna Shardjadan ushyp kelgen 135 jolaýshynyń analızderiniń nətıjesi belgili boldy, dep habarlaıdy QazAqparat tilshisi Almaty oblysy əkiminiń baspasóz qyzmetine silteme jasap.
«Jolaýshylardyń bərinen kelgen bette KVI-ǵa analız alynǵan bolatyn. Barlyǵynyń qorytyndysy teris bolyp shyqty. Algorıtmge səıkes, olar eki kún karantınde bolýy tıis. Osy merzim bitkennen keıin oblys əkimi Amandyq Batalov olardyń ərqaısysyn turǵylyqty jerine jetkizip salýdy uıymdastyrýdy tapsyrdy. Qazir oǵan daıyndyq sharalary júrip jatyr», - dep atap ótti oblys əkiminiń baspasóz qyzmetinde.
Shardja - Taldyqorǵan baǵytyndaǵy əýe reısi 11 səýir kúni saǵat 21:30-da qonǵan edi. Jolaýshylardy kútip alýǵa sanıtar dərigerler, 5 jedel jərdem kóligi, quqyq qorǵaý organdarynyń qyzmetkerleri, kedenshileri men shekarashylar jumyldyryldy.
Oblys əkiminiń tapsyrmasymen sol jerde shtab qurylyp, ony oblys əkiminiń birinshi orynbasary Lazzat Turlashov basqardy. Operatsııanyń birinshi kezeńinde jolaýshylardyń barlyq júgi tyńǵylyqty dezınfektsııalaýdan ótti. Munan soń 135 jolaýshy telemetrııa protsedýrasynan ótkizilip, barlyǵynyń dene qyzýy qalypty bolyp shyqty.
Qaýipsizdikti qamtamasyz etý úshin kelýshilerdi qarsy alý operatsııasyna tartylǵandardyń barlyǵy da obaǵa qarsy kostıýmmen qamtamasyz etildi. Əýejaıda tıisti protsedýralardyń bərinen ótkennen keıin reıs jolaýshylary avtobýstarǵa otyrǵyzylyp, polıtsııanyń bastap júrýimen ýaqytsha statsıonarǵa jetkizilip, ornalastyryldy.
«45 adam Taldyqorǵandaǵy qonaq úılerdiń birine ornalastyryldy. Turǵyndardyń qaýipsizdigin qamtamasyz etý úshin kósheniń tutas bir bóligin jabý týraly sheshim qabyldandy. Qalǵan 90 adam Tekelidegi «Tekeli» sanatorıine jatqyzyldy. Atalǵan eki nysannyń mańaıyna polıtsııa jasaǵy qoıyldy. Osy reıspen kelgen azamattardyń ǵımarat aýmaǵynan shyǵýyna qatań shekteý qoıylǵan. Oǵan qosa, oblys əkiminiń tapsyrmasyna səıkes bul otandastarymyzǵa karantın kezinde turýyna qajetti barlyq qolaıly jaǵdaı jasalǵan. Tegin tamaqtaný, túrli baǵytta keńes alýǵa múmkindikter qarastyrylǵan», - dedi vedomstvodan.
Óz kezeginde kelgen jolýshylar qonaqjaılyq kórsetkeni úshin qarsy alýshylarǵa rızashylyǵyn bildirdi.
Eske salsaq, buǵan deıin 128 qazaqstandyq BAƏ-den Taldyqorǵan əýejaıy arqyly elge oralatyny aıtylǵan bolatyn. Shardjadan ushar kezde bortqa 135 otandasymyz otyrǵany belgili boldy.
