Taldyqorǵanǵa BAÁ-den kelgen 135 jolaýshy erteń úılerine orala bastaıdy
Olar arnaıy mamandardyń qadaǵalaýymen turǵylyqty jerine jetkizedi. Almaty oblysy ákiminiń baspasóz qyzmetiniń málimetinshe, Shardja-Taldyqorǵan reısimen kelgen qazaqstandyqtardyń basym bóligi shet elde jumys isteıdi. Arasynda týrıster de bar. Biraq týrısterdiń elden qaı ýaqytta shyqqany jóninde aqparat berilmedi.
Esterińizge sala keteıik, 11 sáýir kúni Taldyqorǵanǵa 135 adam ushaqpen Birikken Arab Ámirlikterinen jetkizildi. Shetelden kelgenderge qaýipsizdik sharalary qatań júrgizilgeni sonsha, jolaýshylar tıelgen avtobýs júretin joldar tolyq dezınfektsııalanyp, mamandar obaǵa qarsy arnaıy kostıýmderdi kıdi. Olardyń júgi zalalsyzdandyrylyp, árqaısynan koronavırýsqa synama alyndy.
Resmı málimet boıynsha, 135 adamnyń eshqaısynyń ystyǵy kóterilmegen, indet anyqtalmaǵan. Qazir olardyń 45-i - Taldyqorǵan qalasyndaǵy «Merýert» qonaq úıine, qalǵany - Tekelidegi sanatorııge oqshaýlandy.
Al Almaty oblysynyń ortalyǵyna Shardja-Taldyqorǵan reısin qabyldaý respýblıkalyq shtabpen kelisilgen.