Taldyqorǵandyqtarǵa Táýelsizdik kúnine tartý jasalyp, jańa baspanalar berildi
NUR-SULTAN. QazAqparat – Jambyl oblysynda 120 otbasy kottedj qalashyǵynan kópten kútken nesıelik jáne jalgerlik baspanalaryna qol jetkizdi.
Jańa qonysqa ıe bolǵandar qatarynda kóp balalylar, az qamtylǵan otbasylar, múmkindigi shekteýli azamattar, «Turǵynúıjınaqbanki» AQ salymshylary bar. Qalalyqtardy jańa qonystarymen oblys ákiminiń birinshi orynbasary Lazzat Turlashov quttyqtady, - dep habarlaıdy Almaty oblysy ákiminiń baspasóz qyzmeti.
L.Turlashov óz sózinde: «Sizderdi oblys ákiminiń atynan Táýelsizdik kúnimen jáne baspanaly bolý qýanyshtaryńyzben quttyqtaımyn!. Memlekettik baǵdarlamalardyń arqasynda óńirde turǵyn úıler kóptep salynýda. Úı kezeginde turǵan azamattardy qoljetimdi baspanamen qamtý máselesi oblys basshysynyń erekshe nazarynda jáne turaqty túrde baqylaýda bolady», - dedi.
Atap ótsek, qala mańyndaǵy kottedj qalashyǵyn salý josparyna sáıkes quny 8,5 mlrd. teńge bolatyn, jalpy alańy 56,6 myń sharshy metrlik 620 jeke turǵyn úı salý josparlanǵan. Eki jyl ishinde 348 kottedjdiń kilti tapsyryldy. Sonyń ishinde bıylǵy jyldyń josparyna sáıkes 253 kottedj salynyp, sonyń 191-i paıdalanýǵa berildi. Jyl sońyna deıin taǵy 97-si beriledi. Kelesi jyly qalǵan 175 kottedjdi berý josparlanyp otyr.
