Taldyqorǵandyqtarǵa 54 mln teńge shyǵyn keltirgen alaıaqtar toby ustaldy
Keltirilgen shyǵynnyń jalpy somasy 53 mln teńgeden astam. Toptyń quramyna sońǵy birneshe jyl birlesip alaıaqtyqpen aınalysqan 1974-1989 jyldar aralyǵynda týǵan tórt áıel kirgen. Aıyptaý qorytyndysyna sáıkes qylmystyq toptyń is-áreketi júıeli uıymdastyrylǵan.
Olar negizinen qala turǵyndaryna memlekettik baǵdarlama boıynsha páter alýǵa kómektesýge, sondaı-aq basqa da máselelerdi sheshýge járdemdesýge ýáde bergen. Atqarylǵan jumys úshin alaıaqtar sheteldik jáne ulttyq valıýtamen, aýdarym arqyly jáne «qolma-qol aqshamen» syıaqy alǵan. Bir jaǵdaıda olar tipti tiri mal alýǵa kelisken.
Tergeý amaldary birneshe aıǵa sozylyp, nátıjesinde 4 kúdikti de sottaldy. Sot aıyptalýshylardyń árqaısysynda jas balalardyń bolýyn jáne jasaǵan qylmystaryn moıyndap, ókinetindigin, sondaı-aq jábirlenýshilerge keltirilgen shyǵyndy tolyq qalpyna keltirgendigin eskerdi.
«Sot úkimimen sottalýshylardyń bireýine shartty túrde 4 jyl bas bostandyǵynan aıyrý, al qalǵan úsheýine 3,5 jyl bas bostandyǵyn shekteý túrindegi jaza taǵaıyndaldy»,- delingen Jetisý oblysy PD baspasóz qyzmetiniń habarlamasynda.
