Taldyqorǵandyqtar Saq mádenıetimen tanysty
Almaty oblystyq mádenıet, arhıvter jáne qujattama basqarmasynyń uıymdastyrýymen «Esik» memlekettik tarıhı-mádenı qoryq mýzeıi eksponattaryn M. Tynyshpaev atyndaǵy oblystyq tarıhı-ólketaný mýzeıine alyp keldi. Kórme «Jetisý jartas sýretteri», «Altyn adamnyń qupııasy», «Pazyryq kilemi», «Órnek oljalary» men «Aqsýdyń aqıyǵy-Beken Nurmuhanbetov» atty bes bólimge bólingen.
Almaty oblysy turǵyndarynyń nazaryna tuńǵysh ret Altaıdan tabylǵan dúnıedegi eń kóne kilem «Pazyryq kileminiń» kóshirmesi usynyldy. Bul jádiger Esik qoryq-mýzeı arheologtarynyń zertteý jumystary kezinde tabylǵan.
Sondaı-aq, bul jerge Almaty oblysy, Eńbekshiqazaq aýdany, Órnek aýylynyń mańyndaǵy saq qorymdarynan tabylǵan qazynalar qoıylǵan. Mýzeıde Jetisý óńiriniń týmasy ataqty «Altyn adamdy» tapqan Beken Nurmuhanbetovtiń ómiri men qyzmetine arnalǵan arnaıy bólim de bar.
Esik qoryq-mýzeıiniń óńirdi aralap, kóshpeli kórme ótkizýiniń basty maqsaty - tarıhy tereń Jetisý óńiriniń baı muralaryn kópshilikke tanystyryp, jádigerlerdi saqtap qalýǵa, qorǵaýǵa shaqyrý.
Elbasynyń «Rýhanı jańǵyrý: Bolashaqqa baǵdar» salalyq maqalasy aıasynda qolǵa alynǵan shara Taldyqorǵanda bir aı jalǵasady.
