Taldyqorǵandyqtar Naýryz meıramyn erekshe atap ótpek

Shara «Naýryz aýyly» - «Dástúrimdi jańǵyrtqan - Táýelsizdik» atty oblystyq jáne qalalyq mekemelerdiń qazaq úı kórmesi jáne ulttyq dástúrlerdiń kórinisterimen shymyldyq túredi. Mereke ulttyq qolóner sheberleriniń kórmesine ulasady. Sondaı-aq, "Qazaqstanda jasalǵan",  "Dostyq alańy" atty kórmeler ótedi. Ulttyq sport túrlerinen jarystar uıymdastyrylady. Al,  Naýryz merekesiniń saltanatty bóliminde  teatrlandyrylǵan kórinis,  estrada juldyzdarynyń qatysýymen kontserttik baǵdarlama  halyq nazaryna usynylady. Kesh sońy jastarǵa arnalǵan bı keshimen qorytyndylanady.

Aıta ketý kerek, Almaty oblysynda Naýryz meıramyna arnalǵan merekelik sharalardyń onkúndigi ótip jatyr. Almaty oblystyq Qazaqstan halqy Assambleıasy tóraǵasynyń orynbasary  Ǵabıt  Tursynbaıdyń málimdeýinshe, Naýryzǵa arnalǵan onkúndik 12 naýryzda bastalyp, 24 naýryzǵa deıin jalǵasady. Onyń ereksheligi, jeti baǵytta júredi. Atap aıtqanda: «Birlik», «Qaıyrymdylyq», «Qurmet», «Urpaqtar sabaqtastyǵy», «Úlgi», «Densaýlyq», «Ulystyń Uly kúni Naýryz». Máselen, «Birlik» baǵyty boıynsha Qaratal aýdanyna Ońtústik Koreıadan delegatsııa keledi dep josparlanyp otyr.