Taldyqorǵandyqtar Astana kúnin sán-saltanatpen atap ótýde
Saıabaq qaqpasynan kirgen qonaqtar aldymen jas palýandar kúresin kórip, sýretshiler kórmesin tamashalady.
Astana kúni merekesine oraı Taldyqorǵannyń qoǵamdyq jolaýshylar kóligi taǵy 5 avtobýspen tolyqty. Sý jańa kólikter saltanatty jıynda sherýletip ótti.
Sondaı-aq Taldyqorǵandaǵy 48 memlekettik mekeme "Jastar" saıabaǵyna ýaqytsha kóship keldi. Bıyl ekinshi márte ótip jatqan "ashyq memleket" atty jármeńkede 700-den astam memlekettik qyzmet týraly aqparat berilip, olardyń qoljetimdiligi túsindirildi. Osylaısha jetisýlyq aǵaıyn toı toılaýmen qatar, jármeńkeden kúndelikti ómirge asa qajetti paıdaly keńesterin aldy.
Astana kúnine oraı Taldyqorǵanda ótip jatqan aýqymdy sharanyń taǵy biri "Aq bıdaı - 2017" aýyldyq sport oıyndary. «Jastar» sport saraıynda bastalǵan jarysqa 1800-ge jýyq sportshy qatysýda. Atalmysh dodada oblystyń ár túpkirinen jınalǵan sportshylar voleıbol, qazaq kúresi, toǵyzqumalaq, shaǵyn fýtbol, gir tasyn kóterý, qol kúresi men asyq atýdan baqtaryn synaıtyn bolady. Sporttyq shara 9 shildege deıin jalǵasady.
