Taldyqorǵandyq jastar Ýnıversıada qurmetine fleshmob uıymdastyrdy
TALDYQORǴAN. QazAqparat - Jetisý tórinde ýnıversıadanyń alaý estafetasy óte joǵary deńgeıde ótýde. Taldyqorǵandyq jastar sportshylarymyzǵa qoldaý kórsetý maqsatynda fleshmob uıymdastyrdy, dep habarlaıdy QazAqparat tilshisi.
500 jas "U" ərpi men "2017" sanyn jazdy. Osylaısha olar əlemdik deńgeıdegi dodada baq synasatyn bizdiń sportshylarymyzǵa óz qurmetterin kórsetti.
Aıta ketý kerek, Almaty oblysynan 6 sportshy Ýnıversıadaǵa qatysyp, el namysyn qorǵaıdy. Qazir oblys ortalyǵynda Alaý estafetasyn alyp júrý sharasy ótip jatyr.
Saltanatty sharany ashqan oblys basshysy alaýger atanyp, mańyzdy mıssııany aýyr atletıkadan Rıo Olımpıadasynyń qola júldegeri Karına Gorıchevaǵa tabys etti. Jastar saıabaǵynan bastalǵan sharada 60 adam Ýnıversıada Alaýyn ustap júrý qurmetine ıe boldy. Olardyń qatarynda sporttyq dodalarda el namysyn qorǵap, kók baıraǵymyzdy kókke jelbiretip júrgen jandar da bar.
Atap aıtsaq, Halyqaralyq jarystardyń jeńimpazy, boksshy Jánibek Álimhanuly jáne Rıoda ótken Paralımpıada oıyndarynyń kúmis júldegeri Raýshan Qoıshybaeva, grek-rım kúresinen Álem chempıonatynyń qola júldegeri, XVII jazǵy Azııa oıyndarynyń jeńimpazy, Álem jáne Azııa chempıony, Rıo-de-Janeıroda ótken XXXI jazǵy Olımpıada oıyndaryna qatysýshy Nurmahan Tinálıevter alaýger bolady. Sondaı-aq Alaý estafetasy "Kóshbasshy -2016" baıqaýynyń on jeńimpazyna tapsyrylyp otyr. Olardyń arasynda "QazAqparat" HAA-nyń Almaty oblysyndaǵy menshikti tilshisi Samal Qabysheva bar.
Estafeta Taldyqorǵan qalasynyń Balapanov kóshesinen bastalyp, Qonaev kóshesiniń boıynda aıaqtalady. Atalǵan sharany 25 myń kórermen tamashalaýda. Al ər alaýger 200 metr jerdi júrip ótedi.
