Taldyqorǵandyq jastar aǵashty tamyrlandyratyn qondyrǵy jasap jatyr
Taldyqorǵandyq jastar tikeleı efırden ózderi quralpy jastardyń jetken jetistigimen tanysyp, olardyń tabystary barsha zamandastaryna jiger beretinin aıtady. Bıylǵy jyldyń ereksheligin óz múmkindikterine paıdalanyp, bilim men ǵylymda alda bolýǵa, jeke kásip ashyp, úlken jobalardy júzege asyrýǵa talpynyp otyrǵan stýdentter qatary barshylyq.
Solardyń biri Chalmataeva Marjan men Muratbek Dıas. Olar «Jas aǵashty tamyrlandyratyn qunarly qondyrǵy jasaý» jobasyn oılap, onyń tıimdi jaǵyn ǵylymı túrde dáleldemek.
«Búgingi tikeleı efırdi tamashalaý arqyly, qolyma alǵan jobamdy ary qaraı jandandyryp, iske asyrýǵa qulshynyp otyrmyn. Maǵan ózim qatarly jastardyń kezdesetin qıynshylyqtarǵa qaramaı úlken tabysqa qol jetkizgenderi kúsh berdi. Meniń de erteńgi kúni úlken tabysqa qol jetkizip, Elbasynyń aldynda ár isimdi maqtanyshpen aıtqym keledi. Jastarǵa beriletin barlyq múmkindikterdi ońynan paıdalanyp elimizdiń áleýmettik damýyna úles qossam, odan artyq qandaı baqyt bolýy múmkin. Jastardyń kúshin, energııasyn durys baǵyttaýdy kózdegen búgingi jıyn maǵan qatty áser etti. Elbasyna myń da bir alǵys» deıdi Іlııas Jansúgirov atyndaǵy Jetisý memlekettik ýnıversıtetiniń 1-shi kýrs stýdenti Mereı Jastaev.
Eske sala keteıik, búgin Astanada «Táýelsizdik urpaqtary» atty taqyryppen Jastar jylynyń resmı ashylýy ótti. Oǵan Elbasy Nursultan Nazarbaev qatysqan bolatyn.
