Taldyqorǵandyq voleıbolshy qyzdar Qazaqstan kýbogynyń shırek fınalynda qarsylas shaq keltirmeýde
ALMATY. 6 qarasha. QazAqparat - Qaraǵandyda ótip jatqan voleıboldan áıelder arasynda Qazaqstan kýbogynyń shırek fınaldyq oıyndarynda Ulttyq lıgadaǵy el chempıondary qarsylastaryn qoǵadaı japyrýda.
Olar alǵashqy 4 kezdesýde de qarsylastaryn 3:0 esebimen oısyrata utyp, eń joǵary 12 upaıǵa qol jetkizdi. Odan keıin 9 upaımen «Almaty», «Astana», «Qaraǵandy» komandalary úzeńgi qaǵystyryp qatar kele jatyr. Pavlodardyń «Ertis-Qazhromy» 6 upaımen besinshi, 3 upaımen qostanaılyqtar altynshy jáne qorjynynda birde-bir upaıy joq Temirtaýdyń «Spartak AMT» men Astananyń ««Gratsııa Astana KZ» komandalary týrnır kestesin túıindeýde.
Barlyq komanda bir kúndik úzilisten keıin erteń qalǵan jarysty ary qaraı jalǵastyrady. Endi taldyqorǵandyqtardy eshkim qýyp jete almaýy múmkin. Al odan keıingi 3 komanda 2-3 orynǵa talasatyn bolady. Keshe 3-ten 2-satyǵa kóterilgen almatylyqtardyń erteńgi synda óz ornyn saqta qalýy qıynǵa túspek. Onyń ornyna «Qaraǵandy» men «Astana» arasyndaǵy kezdesýdiń jeńimpazy kóteriletin bolady. Óıtkeni almatylyqtar buǵan deıin qaraǵandylyqtarǵa 1:3 esebimen ese jibergen bolatyn. Sondyqtan olar beısenbi kúni astanalyqtardyń osal tusyn tabýǵa bparlyq kúshin jumsaýy tıis. Sonda ǵana úzdik úshtikke ene alady.
