Taldyqorǵandyq polıtsııa qyzmetkerleri marapattaldy
TALDYQORǴAN. QazAqparat - Qazaqstan polıtsııasynyń 25 jyldyǵyna oraı Taldyqorǵan qalalyq ishki ister basqarmasynyń birqatar qyzmetkerleri marapattaldy, dep habarlaıdy QazAqparat tilshisi.
Taldyqorǵan QІІB bastyǵy Erlan Sansyzbaevtyń atynan 11 qyzmetker alǵys hatpen marapattalyp, 34 tártip saqshysyna alǵys jarııalanyp, 7 polıtseıge ózderiniń kezekti arnaıy ataqtary berildi. Sonymen qatar qala ákiminiń orynbasary Asqar Tutybaev shahar basshysy atynan ózderine júktelgen jumystarynda jaqsy nátıjelerge qol jetkizip, kásibı sheberlikteri men biliktilikterin tanytqan 10 qyzmetkerdi marapattady.
«Іshki ister organynyń qyzmeti - bul óte qıyn jáne jaýapty mamandyqtardyń biri. Polıtsııa qyzmetkeri kún saıyn óziniń densaýlyǵymen, keı jaǵdaıda ómirin táýekelge salyp, qylmystan qoǵamdy qorǵaıdy. Sizder árqashan quqyqtyq tártipti, qoǵam men azamattardyń qaýipsizdigin qamtamasyz etetin bizdiń elimizdiń mańyzdy memlekettik ınstıtýty bolyp tabylasyzdar. Taldyqorǵan qalasynyń ákimi men ákimdik apparatynyń atynan Sizderdi kásibı merekelerińiz - Qazaqstan polıtsııasy kúnimen shyn júrekten quttyqtaımyn!» - dep atap ótti Asqar Tutybaev.
Saltanatty shara merekelik kontsertpen aıaqtaldy.
