Taldyqorǵandyq polıtseıler kóshelerdegi esirtki jarnamalaryn óshirip jatyr
Taldyqorǵanda nashaqorlyqtyń aldyn alýǵa baǵyttalǵan «Esirtkisiz qala» aktsııasy ótýde. Polıtseıler, jergilikti turǵyndardan qurylǵan eriktiler qaladaǵy úılerdi aralap, qabyrǵalardaǵy esirtki saıttaryn jarnamalaıtyn túrli shtrıh-kodtar men jazýlardy óshirýde.
«Aýla aralaý kezinde qala turǵyndaryna nashaqorlyqqa qarsy taqyryptaǵy býkletter men jadynamalar taratylady. Biz keńes beremiz, azamattarǵa, ásirese jasóspirimder men jastarǵa sıntetıkalyq jáne basqa da esirtkilerdiń zııany týraly túsindiremiz. Esirtki qylmysy úshin jaýapkershilik týraly eske salamyz. Óńirde esirtkiniń taralýyna jol bermeý jumystaryna azamattardy tartýǵa tyrysamyz», - dedi Jetisý oblystyq esirtki qylmysyna qarsy is-qımyl basqarmasynan.
Jyl basynan óńirde zańsyz aınalymnan 30 keliden astam túrli esirtki zattary alyndy. Esirtkige qatysty quqyq buzýshylyq jáne esirtki qylmystaryn jasady degen kúdikpen 80 adam jaýapqa tartyldy. Onyń ishinde 17 adam esirtki satqan.
