Taldyqorǵandyq polıtseıler 60-tan astam adamdy jaýapqa tartty
TALDYQORǴAN. QazAqparat - Almaty oblysynyń bas sanıtarlyq dárigeriniń 13 sáýirdegi №6 qaýlysynda kórsetilgen barlyq qajetti sharalar men karantın rejımi talaptarynyń saqtalýy polıtseılerdiń jiti baqylaýynda, dep habarlaıdy QazAqparat tilshisi.
Osyǵan oraı, jergilikti atqarýshy organdar, qoǵam belsendileri jáne buqaralyq aqparat quraldary ókilderiniń qatysýymen qala boıynsha reıd uıymdastyryldy. Keshki reıd barysynda tártip saqshylary 60-tan astam quqyq buzýshyny jaýapqa tartqan.
Patrýldik polıtsııa qyzmetkerleri avtopatrýldeý rejıminde júrgizýshiler tarapynan karantın talabynyń saqtalýyna tekserý júrgizdi. Osylaısha, avtokólik salonynda 3-ten astam jolaýshy tasymaldaǵan 10 júrgizýshi anyqtaldy.
Jaıaý narıadtar qoǵamdyq oryndarda jáne kóshelerde negizsiz júrgen turǵyndardy, onyń ishinde zańdy ókinsiz júrgen kámeletke tolmaǵan jasóspirimderdi jáne qart adamdardy qadaǵalaýda. Tekserý barysynda túngi jáne keshki ýaqytta sebepsiz júrgen 15-ten astam azamat anyqtalǵan.
Óz kezeginde polıtsııanyń ýchaskelik ınspektorlary tizim boıynsha tyıym salynǵan nysandardyń jumysyna qatysty talaptardyń buzylý derekterin anyqtaý boıynsha jumystar júrgizdi. Іs-shara sheńberinde karantın jaǵdaıynda zańsyz qyzmetti júzege asyrǵan 5 saýda núktesiniń ıelerine qatysty ákimshilik hattama rásimdeldi.
Tótenshe jaǵdaı rejımi engizilgen sátten bastap Taldyqorǵan qalasynda barlyǵy 170 tótenshe jaǵdaı rejımin buzý deregi anyqtalǵan.
