Taldyqorǵandyq ónertapqyshtar kvadrokopter qurastyrdy
TALDYQORǴAN. QazAqparat - Taldyqorǵandyq Andreı Ermılov pen Aleksandr Dadochkın kvadrokopter qurastyrdy, dep habarlaıdy QazAqparat tilshisi.
Eki ónertapqyshtyń robototehnıkamen shuǵyldanǵanyna biraz bolǵan. Ózara aqyldasa kele kvadrokopter qurastyrýǵa sheshim qabyldaǵan. Jetisýlyq tehnıkterdiń bul týyndysy naryqtaǵy ushý quraldarynan birneshe ese arzan bolmaq.
Ónertapqyshtar tehnıkalyq kórsetkishteri qazirgi qoldanystaǵy kvadrokopterlerden esh kem emes ekendigin, bul ushý apparattaryn turmysqa keńinen paıdalanýǵa bolatynyn aıtady. Máselen mal baǵýda, egis alqaptaryn, baý-baqshalardy dárileýde, izdestirý jumystarynda jáne geologııalyq barlaýda taptyrmas qural dep otyr.
Іsker azamattar bul jobalaryn «Damý» qorynyń «Jańa bıznesti ashýǵa qoldaý» baǵdarlamasy aıasynda júzege asyrdy. Ázirshe tek eki nusqasyn synaqtan ótkizgen tehnıkter qarjylaı qoldaý tapsa basqa túrlerin de qurastyrýǵa nıetti.
