Taldyqorǵandyq oqýshylar tenderdiń saldarynan eski partalarda bilim alýda
TALDYQORǴAN.QazAqparat - Taldyqorǵandaǵy №16 orta mektep-gımnazııasynyń oqýshylary jańa oqý jylyn tozyǵy jetken partalarda qarsy aldy. Balalar otyryp bilim alatyn mektep jıhazdary shetinen úgitilip jatyr, dep habarlaıdy QazAqparat tilshisi.
Bul bilim shańyraǵynda 840 oqýshy oqyp jatyr. Mektep dırektory Saltanat Súleımenovanyń aıtýynsha, olar partalardy 100 paıyz aýystyrý úshin qalalyq bilim bólimine tapsyrys bergen. Biraq áli kúnge deıin mektepke jańa stol oryndyqtar jetkizilmegen. Al Taldyqorǵan qalasy ákiminiń baspasóz hatshysy Danııar Janystyń sózinshe, partalardyń keshigip jatqanyna tender máselesi sebep bolypty.
«Shilde aıynda berilgen tender oınalmaı qaldy. Birinshisinde eshkim túsken joq. Ekinshisinde eki kompanııa túsip, qarjylyq baqylaý organdary bireýin alyp tastaǵannyń arqasynda taǵy da oınalmaı qaldy. Endi úshinshi ret birjaqty kelisim jasalyp, alynyp jatyr», - dedi D.Janys.
Ákimdik ókiliniń aıtýynsha, jańa partalar birinshi toqsannyń aıaǵyna deıin №16 orta mektep-gımnazııasyna jetkiziledi.
