Taldyqorǵandyq oqýshylar gaz ben tútin taralǵanyn habarlaıtyn qurylǵy ázirledi

TALDYQORǴAN. QazAqparat - Taldyqorǵan qalasyndaǵy №20 mamandandyrylǵan lıtseıdiń 10-synyp oqýshylary Erdos Esentalov pen Tımýr Kım gaz ben tútinniń barlyq túrleriniń taralyp ketýi týraly habarlamanyń IoT-datchıgin basqarý júıesin ázirledi, dep habarlaıdy QazAqparat.

«Biz gazdyń aǵýy jáne órttiń paıda bolýy týraly habarlaýdyń It-datchıgin basqarýǵa arnalǵan júıeni ázirledik. Bul júıe aýadaǵy kez kelgen gaz kontsentratsııasynyń ózgerýine jaýap beredi jáne gaz kontsentratsııasynyń joǵarylaýy jaǵdaıynda sıgnalmen, sondaı-aq uıaly telefonǵa qaýip týraly habarlamamen jetkizedi. Qoldanba kómegimen sonymen qatar bólmedegi ylǵaldylyq pen temperatýrany baqylaýǵa bolady.

Bizdiń jumysymyzdyń nátıjesin ár úıde qoldanýǵa bolady, sondaı-aq bizdiń sensordy paıdalaný ońaı jáne qol jetimdi baǵada, - dep atap ótti ázirleýshiler.

Aıta ketý kerek, joba taqyrybyn tańdaýǵa jáne ony odan ári iske asyrýǵa aǵymdaǵy jyly Jetisý oblysy TJD qyzmetkerleri №20 mamandandyrylǵan lıtseıde ótkizgen «Ýly gazben ýlaný» profılaktıkalyq dáristeriniń biri áser etken.

Óz kezeginde, Jetisý oblysy TJD basshylyǵy oqýshylardyń tapqyrlyǵyn joǵary baǵalap, olarǵa alǵys hattar tabys etti, sondaı-aq balalarǵa jobany damytýda tabys jáne jańa jeńister tiledi.