Taldyqorǵandyq kelinshek 5 jasar qyzdy aldap, syrǵasyn sheship alǵan
TALDYQORǴAN. QazAqparat - Taldyqorǵandaǵy saıajaılardyń birinde urlyq faktisi oryn aldy. Belgisiz áıel bes jasar qyzdyń altyn syrǵasyn alyp ketken, dep habarlaıdy QazAqparat.
Kishkentaı búldirshindi ońasha shaqyryp alǵan áıel «mamań surap jatyr» dep aldap, qyzdyń qulaǵyndaǵy syrǵany sheship alǵan. Sosyn tez arada izin jasyrǵan.
Jergilikti polıtseıler kúdiktini 2-3 saǵattyń ishinde anyqtap, qolǵa túsirdi.
«Kúdikti 30 jastaǵy Taldyqorǵan turǵyny bolyp shyqty. Saýda salasynda jumys isteıdi. Kúıeýimen eki bala tárbıelep otyr. Áıel teris qylyǵyn túsindire almady. Qalaı bolǵanda da, atalǵan fakti boıynsha qylmystyq is qozǵaldy. Urlanǵan syrǵany qaladaǵy lombardtardyń birine ótkizip úlgergen. Áshekeı ıesine qaıtaryldy», - dep málim etti Almaty oblystyq PD baspasóz qyzmeti.
Buryn isti bolmaǵany eskerilip, kúdikti qamaýǵa alynǵan joq.
