Taldyqorǵandyq kásipker jaǵdaıy tómen otbasylarǵa kómir túsirip berdi

TALDYQORǴAN.QazAqparat - Taldyqorǵan qalasy ákimdiginiń qoldaýymen, Elbasynyń «Týǵan jer» baǵdarlamasy aıasynda kásipker Talǵat Omarqulov qaıyrymdylyq aktsııasyn uıymdastyrdy, dep habarlaıdy QazAqparat tilshisi.

Talǵat turmysy tómen 7 otbasynyń úıine kómir túsirip berip, olardyń alǵystaryn aldy. Solardyń biri Erlan Shalıpbaev qýanyshyn jasyra almady.

 

«Aıaǵym joq, kórip tursyzdar. Alatynym jıyrma myń teńgeden astam ǵana tólemaqy. Ózim páterde turamyn. Búgingi Talǵat baýyrymnyń maǵan dep ákelgen syıy úshin zor alǵys aıtamyn. Basymdaǵy bir másele bolsa da azaıǵany men úshin qýanysh. Alǵystan basqa aıtarym joq», - dedi ol.

Talǵattyń ózi mundaı qaıyrymdylyq sharalaryn jıi jasap turatynyn aıtyp, adamdardyń razylyǵyn alǵany úshin qýanyshty ekenin jasyrmady.