Taldyqorǵandyq feldsher búlik kezinde óz ómirin qaterge tigip, qyzmetin adal atqardy

TALDYQORǴAN. QazAqparat – Taldyqorǵandyq feldsher Kabır Rafıkov jappaı bassyzdyq kezinde qalaı jumys istegenin aıtyp berdi, dep habarlaıdy QazAqparat tilshisi.

Kabır Rafıkov - Almaty oblysy №18 jedel járdem brıgadasynyń feldsheri.

Ol 5 qańtar kúni qalada jappaı tártipsizdik bastalǵanda jumysta bolyp, adam ómirin arashalaǵan.

«Men úshin eń aýyry - 18 jasar áskerıdiń qazasy. Ony jedel járdemge jetkizgende tynysy boldy, men oǵan 45 ret qoldan reanımatsııa jasadym. Ókinishke qaraı, bul áreketimnen túk shyqpady. Sarbazdyń júregi toqtap qaldy, janǵa aýyr tıdi. Jaraqat alýshyny jetkizgen qyzmetkerlerdiń kózinen aýyr muń kórdim», - deıdi ol.

Sondaı-aq, buzaqylar jedel járdem mamanynan polıtsııa men áskerdi qoıa turyp, basqalardy emdeýin talap etken.

Dáriger óz kezeginde syrqatty tańdamaı, kim alǵash keldi, soǵan kómek kórsetetinin aıtqan.

Kabır Rafıkov jedel járdem qyzmetinde 2 jyldan beri eńbek etip keledi.