Taldyqorǵandyq eki polıtseı «Erligi úshin» medalimen marapattaldy
TALDYQORǴAN. QazAqparat - Taldyqorǵan qalasynda Otan qorǵaýshylar kúnine jáne Jeńistiń 72 jyldyǵyna arnalǵan saltanatty sharalar jalǵasýda. Búgin Almaty oblysynyń polıtseıleri ortalyq saıabaqtaǵy «Danq» eskertkishiniń aldynda Ekinshi dúnıejúzilik soǵystyń batyrlaryna taǵzym etti, dep habarlaıdy QazAqparat tilshisi.
Eskertkish aldyna polıtseıler gúl shoqtaryn qoıyp, bir mınýttyq únsizdikpen soǵysta qaza tapqan batyrlardy eske aldy.
«Búgin biz óz ómirleriniń baǵasymen elimizdiń tynyshtyǵy kúzetinde turǵan barlyq Otan qorǵaýshylarǵa qurmet kórsetýdemiz. Bul kún qazaqstandyqtardyń soǵys jyldaryndaǵy erlik isteriniń jylnamasy jáne Otanǵa qyzmet etý dástúriniń sabaqtastyǵy syndy. Babalarymyzdyń erlikteri Jeńistiń dańq murasy retinde urpaqtan-urpaqqa jalǵasa beredi», - dep óz sózinde Almaty oblysy ІІD bastyǵy polıtsııa general-maıory Murat Urumhanov aıtyp ótti.
Jeńis kúni qarsańynda Taldyqorǵan qalasynyń eki polıtsııa qyzmetkeri - aǵa leıtenant Serikbek Alpysbekov jáne aǵa serjant Maqsat Álıev órtten adamdardy qutqarǵan erlikteri úshin memlekettik nagrada - «Erligi úshin» medalimen marapattaldy.
Qazaqstan Respýblıkasy ishki ister mınıstriniń jáne oblystyq ІІD basshylyǵynyń buıryqtarymen 200 polıtsııa qyzmetkeri túrli arnaıy áskerı ataqtarmen, alǵys hattarmen jáne «Quqyq tártibin qamtamasyz etkeni úshin», «Іshki ister organynyń úzdigi» tós belgilerimen marapattaldy.
Sharanyń sońynda óńirdiń polıtseıleri ardagerler men qonaqtardyń aldynan orkestrdiń saltanatty áýeni aıasynda «Jeńis kúni» ánin oryndap, saptyq júrispen ótti.
Sondaı-aq, oblystyq polıtsııa basshylyǵy quttyqtaýlarymen jáne syılyqtarymen soǵysqa qatysqan jəne tyl ardagerlerin aralap quttyqtady.
