Taldyqorǵandyq dárigerler Prezıdenttiń áleýmettik bastamalaryn talqylady
TALDYQORǴAN.QazAqparat - Prezıdenttiń 10 tapsyrmasy aldaǵy ýaqytta qoǵamdaǵy áleýmettik túıtkilderdi sheshýge aıryqsha basymdyq beriletinin kórsetip berdi.
Kásibı merekesin atap ótip jatqan Taldyqorǵandaǵy medıtsına salasynyń qyzmetkerleri osyndaı pikir bildirdi, - dep habarlaıdy QazAqparat tilshisi.
Dárigerler Qasym-Jomart Toqaevtyń «El turǵyndarynyń tabysyn arttyrý - strategııalyq mańyzdy másele» degen jańalyǵyn qýanyshpen qabyldaǵandaryn da jetkizdi. Aq halatty abzal jandar qoǵamdyq senim jónindegi ulttyq keńestiń qurylýyn da qyzý qýattap otyr.
«Qoǵamdyq senim jónindegi ulttyq keńes kóptegen túıtkildi máselelerdi sheship beredi. Ol bılik pen turǵyndardyń arasyndaǵy altyn kópir ispetti bolady degen senimdemiz», - dedi Talqyqorǵan qalasyndaǵy kópsalaly aýrýhananyń bas dárigeri Sáýle Qusmoldanova.
