Taldyqorǵandyq basseıinde es-tússiz jatqan jasóspirimdi qutqaryp qaldy
TALDYQORǴAN. QazAqparat – Taldyqorǵandyq dáriger demalys alańyndaǵy basseıinde sýǵa batqan 17 jastaǵy jasóspirimdi qutqaryp qaldy,dep habarlaıdy QazAqparat tilshisi.
Jumys ýaqyty aıaqtalǵan dáriger Іlııas Núsipalıev atalǵan demalys ornyna sýǵa túsýge barǵan. Sol ýaqytta basseınnen es-tússiz kúıinde alyp shyqqan jigitti kórip, birden kómekke kelgen. Ol jedel járdem kóligi jetkenshe, 7-8 mınýt boıyna reanımatsııalyq kómek kórsetken.
«Sýǵa batqan adamdy qutqarý kezinde árbir mınýt qymbat. Eger birden kómek kórsetpeı, 3-4 mınýt joǵaltyp alsańyz, onda mıǵa, jalpy aǵzaǵa qan barmaı qalady. Júrekke massaj jasaý arqyly júrek soǵysyn qalpyna keltirgen soń esin jıdy. Jedel járdem kóligi kelgen soń qajetti em-shara jasalyp, oblystyq aýrýhanaǵa jetkizildi», - dedi dáriger.
Qazir 17 jastaǵy Nazım oblystyq aýrýhanada em alyp jatyr. Jaǵdaıy birqalypty dep baǵalanýda.
