Taldyqorǵandyq balýan Ulan Rysqul «Jetisý bórisi» atandy
TALDYQORǴAN. QazAqparat - Taldyqorǵanda QR Prezıdentiniń júldesi úshin qazaq kúresinen «Qazaqstan barysy» týrnırine irikteý kezeńi ótti. Jarysqa 17 aýdan men 3 qaladan barlyǵy 40-qa jýyq balýan qatysty, dep habarlaıdy QazAqparat tilshisi.
Bul joly da aqtyq dodaǵa taldyqorǵandyq Ulan Rysqul men Aleksandr Kasachev shyqty. Byltyr bas júldeni Kasachev qanjyǵalaǵan bolsa, bıyl Ulan Rysqul qarsylasynan basym tústi.
Jeńimpazǵa «Jetisý bórisi» ataǵymen qosa «Lada Granta» avtokóliginiń kilti tabystaldy. Ekinshi oryn alǵan balýanǵa 1 mln teńge, 3-shi oryn alǵan balýanǵa 500 myń teńge syıaqy taǵaıyndaldy.
