Taldyqorǵandyq balalarǵa 500-den asa dop tegin taratyldy
TALDYQORǴAN. QazAqparat - Taldyqorǵandyq bloger Qaırat Abdrahmannyń «Balalarǵa dop syıla» atty bastamyn jurtshylyq qoldap, belsendilik tanytýda. Áleýmettik jeli arqyly jarııalanǵan aktsııaǵa alǵashqylardyń biri bolyp shahardyń kásipkerleri men basshylyǵy qoldaý bildirdi, dep habarlaıdy QazAqparat tilshisi.
Máselen óziniń esimin qupııa qaldyrǵan kásipker azamat alǵashqy bolyp 50 dopty blogerge bergen. Al kelesi kúni qala ákimdigi de ıgi isten qalys qalmaı, kóshe-kóshelerdi aralap, oıyn alańdaryna arnaıy baryp, 500 dopty balalarǵa taratyp shyqty.
Qasıetti Ramazan aıynda kóshede oınap júrgen kishkentaı balalardy da umytpaıyq degen maqsatpen bastalǵan shara taldyqorǵandyqtardyń kóńilinen shyǵýda. Áleýmettik jelide qoldaý bildirip, dopty ózimiz taratýǵa qolymyz tımeıdi, ózderińiz taratyp otyrsańyzdar degen azamattar da paıda boldy.
Al pikir qaldyryp jatqandardyń keıbiri ózderiniń meken-jaılaryn jazyp, balalaryna dop kútetinderin jetkizgen. Buqaralyq sport túrin damytýǵa yqpal etip, salaýatty ómir saltyn nasıhattaıtyn shara áli de jalǵasyp jatyr.
