Taldyqorǵandyq Aınur Tóleýova «Qazaqstan Arýy» atandy
ALMATY. 7 jeltoqsan. QazAqparat /Názıra Eleýhan/ - Almatyda keshe keshkisin Intercontinental qonaq úıinde «Qazaqstan Arýy-2011» baıqaýynyń aqtyq syny bolyp ótti.
20 boıjetken Qazaqstannyń eń sulý arýy ataǵyna baq synasty. Aqtyq synǵa joldama alyp, irikteýden ótken eń sulý qyzdar eki apta boıy án aıtý, akterlik sheberlik, makııaj jasaý, defıle kórsetý, ıntellektýaldyq baıqaý jáne budan ózge de 10-ǵa jýyq synnan, kóptegen kastıngterden ótip, áleýmettik jáne qaıyrymdylyq aktsııalarǵa qatysty.
Aqtyq synda ádil-qazylar alqasy men kórermenderdiń SMS daýys berý arqyly 20 úmitkerdiń 5-eýi fınalǵa shyqty. Bes arýdyń ishinen taldyqorǵandyq Aınur Tóleýova «Qazaqstan Arýy» ataǵyna laıyq dep tanyldy. I Arý ataǵyn astanalyq Marııa Gorbýlko jeńip alsa, II Arý ataǵyn Arna Abdrahmanı ıelendi, al, III Arý ataǵyna Óskemen qalasynyń sulý qyzy Asem Mamaeva ıe boldy.
Qazaqstannyń eń sulýy ataǵynyń ıegeri Aınýr Tóleýovaǵa sulýlyq tájimen qatar, tuńǵysh ret baıqaý tarıhynda 37 gaýhar tastan turatyn alqa syıǵa tartyldy. Ol alqany jobanyń bas demeýshisi Mary Kay kompanııasy usyndy. Sondaı-aq, bas jeńimpaz «Álem Arýy-2012» halyqaralyq baıqaýyna Qazaqstannyń atynan qatysýǵa joldama aldy. Tájdi «Qazaqstan Arýy 2010» baıqaýynyń jeńimpazy Janna Jumalıeva tabystady.
Esterińizge sala ketsek, eń sulý qyzdar arasyndaǵy sulýlyq hanshaıymy tájine kúres mamyrdyń 1-de bastaldy. Sol ýaqyt aralyǵynan ár óńir óz arýyn anyqtady. Baıqaýlarǵa jalpy sany 300-ge jýyq arý qyzdar qatysty.
Búkil qazaq eli Almatydaǵy eń iri mádenı sharany tikeleı efır arqyly tamashalaýǵa múmkindik aldy
