Taldyqorǵandyq 300-ge jýyq stýdent saılaýǵa qoldaý bildirdi

TALDYQORǴAN. QazAqparat - Taldyqorǵandyq stýdentter «Jastar - eldiń bolashaǵy» atty fleshmob ótkizdi. Saıası naýqanǵa qoldaý bildirýdi maqsat etken sharaǵa 300-ge jýyq jas qatysty, dep habarlaıdy QazAqparat tilshisi.

«Bul saılaý bizdiń el erteńimizdi, tarıhymyzdyń qalaı bolatynyn, aldaǵy tarıh qalaı jazylatynyn anyqtaıdy. Barshańyzdy osy saılaýǵa jaýapkershilikpen qaraýǵa shaqyramyn. Jetisý jastary - biz saılaýdy tolyǵymen qoldaımyz, qatysamyz», - dedi sharaǵa qatysýshy Dáýren Berikboluly.

Fleshmobqa óńirdegi polıtehnıkalyq kolledj ben ózge de oqý oryndarynda bilim alyp jatqan shákirtter belsendilik tanytty. Olar batys pen shyǵystyń bı úlgilerinen quralǵan kompozıtsııa arqyly elimizde ótkeli jatqan saıası naýqandy qyzý qoldaıtyndaryn jetkizdi. Ózge elderdiń bı máneri men ózimizdiń «Qara jorǵany» aralastyra bılegen jastar fleshmob barysynda kún men kúnniń shýaǵyn beıneledi.

Ol «Shýaqty kúnderde júzdeseıik, biz elimizdegi beıbitshilik pen turaqtylyqtyń jalǵasqanyn qoldaımyz», - degendi bildiredi deıdi uıymdastyrýshylar.

«Alda óte jaýapty kezeń - saılaý kele jatyr. Bul kezekti saılaý el bolashaǵyn oılaý degen sóz. Saılaýdyń mańyzdylyǵy bizdiń elimizdiń erteńgi bolashaǵynda dep bilemin. Barsha Jetisý jastarynyń atynan osy saılaýǵa qatysamyz jáne belsendilik tanytamyn dep senimmen aıta alamyn», - dedi sharany uıymdastyrýshy Aıdana Arsalan.