Taldyqorǵandaǵy tergeý ızolıatorynda jańa qyzmet túri paıda boldy

TALDYQORǴAN. QazAqparat- Taldyqorǵan qalasynyń tergeý ızolıatorynda jańa qyzmet túri paıda boldy, dep habarlaıdy QazAqparat tilshisi.

Mekemede ustalatyn aıyptalýshylar men sottalǵandar endi azyq-túlik jáne alǵashqy qajet zattardy jetkizýge baǵyttalǵan arnaıy elektrondy dúken Convex qyzmetin paıdala alady.

Elektrondy dúkende 400-ge jýyq túzetý mekemesinde ustalatyn azamattarǵa paıdalanýǵa ruqsat berilgen taýar túrleri bar. Olar azyq-túlik, sýsyndar, turmystyq hımııa, kantselıarııalyq jabdyqtar, kıimder.

Tapsyrys berý úshin, Convex júıesinde tirkelý qajet. Jetkizý qyzmeti jumys kúnderi kúndelikti júrgiziledi jáne mekemeniń arnaıy tintý tobymen mekeme aımaǵyna tıym salynǵan zattardyń ótip ketpeýin qadaǵalaý maqsatynda sálemdemeniń ıesi qatysýmen tekseriledi.

Sonymen qatar, mekeme aýmaǵynda ornalasqan Convex elektrondy dúkeninde aıyptalýshy men sottalǵandar óz betimen qalaǵan taýaryna tapsyrys berýi úshin onyń jeke shotyna aqshalaı tólemder aýdarýǵa bolady.