21:30, 04 Aqpan 2021 | GMT +6
Taldyqorǵandaǵy tergeý ızolıatoryna aryz qabyldaıtyn termınal ornatyldy
TALDYQORǴAN.QazAqparat - Taldyqorǵandaǵy tergeý ızolıatoryna aryz qabyldaıtyn termınal ornatyldy. Sottalýshylar qurylǵy turǵan jerge kúzetshilerdiń baqylaýymen baryp, shaǵymdaryn elektrondy túrde jibere alady, - dep habarlaıdy QazAqparat tilshisi.
LA-155/16 tergeý ızolıatorynda qoıylǵan termınalda shaǵymdardy tikeleı prokýratýraǵa, sotqa, sybaılas jemqorlyqqa qarsy is-qımyl agenttigine jáne ózindik qaýipsizdik bólimshelerine birden joldaıtyn batyrmalar bar.
«Almaty oblysy boıynsha Qylmystyq atqarý júıesi departamentiniń vedomstvolyq baǵynysty mekemeleri prokýratýramen birlesip, sottalǵandarǵa qoljetimdi jerde túrli memlekettik organdarǵa shaǵym, ótinish berý úshin termınal ornatty. Shaǵymmen ótinishti sottalǵandar ózderi resimdeıdi. Olar ózderiniń derbes derekterin engizip, olardy saýsaq izderimen rastaıdy. Jyl sońyna deıin barlyq vedomstvolyq baǵynysty mekemelerde osyndaı termınaldar ornatý josparlanýda», - dep atap ótti óńirlik QAJD bastyǵynyń orynbasary Jánibek Qosjanov.
